АВТО ЗАМЫН ЗУРАГ ТӨСӨЛ ЗӨВЛӨХ ҮЙЛЧИЛГЭЭНИЙ 

ДӨРВӨН ТЭНХЛЭГ ХХК

Манай компани нь анх 2007 оны 10 дугаар сарын 30-ны өдөр замын зураг төсөл, программ хангамж, гадаа худалдааны чиглэлээр “Дөрвөн тэнхлэг” ХХК нэртэйгээр байгуулагдсан бөгөөд голлох чиглэл нь авто замын зураг төслийн зөвлөх үйлчилгээ юм.

Дөрвөн тэнхлэг компани нь өнгөрсөн 9 жилийн хугацаанд нийт 1300 км бүхий 40 орчим замын зураг төсөл дээр бие даан болон хамтарсан байдлаар ажил гүйцэтгэж ирсэн билээ.

Манай байгууллага нь нийт 11 инженер техникийн ажилтантай ба үүнээс авто замын зураг төслийн чиглэлээр 9-15 жил ажилласан 4 инженер, 5-8 жил ажилласан 3 ижненер, 4 жил хүртэл ажилласан 4 инженертэй бөгөөд чадварлаг багаар хангагдан үйл ажиллагаа нь өсөн тэлж буй байгууллага юм.

Байгуулагдсан цагаасаа эхлэн тус компани нь авто замын салбарт өөрийн хувь нэмэрээ оруулан зураг төсөл боловсруулах үйл ажиллагааг хялбарчлах, шинэ программ хангамж нэвтрүүлэх ажилд гар бие оролцож байсан. Үүний үр дүнд зөвлөх инженерүүдтэй хамтарч замын зураг төслийн программ хангамжийг сайжруулах хугацаа хэмнэсэн хөнгөвчлөх аргуудыг төслийн ажлын явцад тухай бүрд нь хялбарчлах ажлыг гүйцэтгэж PGD программийг боловсронгуй болгож чадсан билээ.

Одоогийн байдлаар манай байгууллага замын зураг төслийн Bentley Inroad, АutoDesk Civil Survey, PGD, Indor pavement програмуудыг ашиглаж байна.

Бид замын зураг төсөл гүйцэтгэхийн зэрэгцээ програм хангамжийн чиглэлээр үйл ажиллагаагаа өргөжүүлэн Капитал банк, Номин холдинг, МCS холдинг, Бридж групп, Наран Трейд зэрэг компаниудад ЛОТУС НОТЕС ДОМИНО программ хангамж нийлүүлэх, суурилуулах ажлыг амжилттай нэвтрүүлж одоог хүртэл баг хамт олноороо ажилласаар байна.

Цаашид манай компани нь үндсэн чиглэл болох замын зураг төслийн зөвлөх үйлчилгээнд шинэ техник технологийг нэвтрүүлэх, боловсон хүчний хувьд гадаад өндөр хөгжилтэй орнуудад мэргэжил дээшлүүлэн давхар зам, гүүрийн чиглэлээр мэргэшүүлэх замаар авто зам, дэд бүтцийн салбарт онцгой байр суурийг эзлэх эрхэм зорилготой ажиллаж байна.